Сұрамаймын мейірім сенен жылап

Бұл бетте «Сұрамаймын мейірім сенен жылап» атты Анар Шамшадинова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 27.07.2020
  • 0
  • 0
  • 1368
Сұрамаймын мейірім сенен жылап,
Тәкаппарлық әлі де солмағандай.
Махаббат па?
Ол бүгін менен жырақ,
Алғашқысы, соңғысы болмағандай.

Тал бойымды талдырған сағынышқа,
Салынғаным көзімді жұмып алып.
Жалғыз еткен тағдыр ма, жазымыш па?
Ең бақытты шағымды сылып алып.

Өшкен кезде өртенбей аппақ сезім,
Теңіз тыншып, көк күлмей, тұман далам.
Шаршап жүрмін, шағылып шақпақ төзім,
Өзгеге де, өзіме күмәнданам.

Жалғыз жүрмін – тілегің орындалды,
Ең мұңлысы қаланың хас бүгінгі.
Аялаудан арманды қолым талды,
Құшып болдым көрпемді, жастығымды.

Өлеңімнен іздеймін бір емімді,
Күлімдейді жастарын көзім сарқып.
Сен бәрібір ұқпайсың жүрегімді,
Сезім түгіл, бір ауыз сөзім артық.

Түн-тамұқты тәрк етіп, таңды аламын,
Зорға сүйреп тірлікке құр денемді.
Кеш қалаға кіргенде сандаламын,
Жоғалтқандай ең қымбат бірдеңемді.


Пікірлер (0)

Пікір қалдырыңыз

Жиі қойылатын сұрақтар

Сұрамаймын мейірім сенен жылап өлеңінің авторы кім?

Анар Шамшадинова — осы өлеңнің авторы.

Сұрамаймын мейірім сенен жылап өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Сұрамаймын мейірім сенен жылап өлеңі не туралы?

Бұл өлеңде Анар Шамшадинова өз ойы мен сезімін көркем түрде жеткізеді.

Сұрамаймын мейірім сенен жылап өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері