Маң далада арқар тұр маңыраған – Серік Сағынтай

Бұл бетте «Маң далада арқар тұр маңыраған» атты Серік Сағынтай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 07.08.2020
  • 0
  • 0
  • 1543
Маң далада арқар тұр маңыраған,
Маңыраған тым жақын әні маған.
Жадылаған сананы сағымға еріп,
Өтіп барам адамдай танымаған.

Маң, далалық арқардың мүсіні бұл,
Тас тұғырдың толассыз тұсы дүбір.
Мен арқар боп маңырап жыр төгер ем,
Маңдайыма жазбаса кісі ғұмыр!

Жапырақтан өрнек сап қошқар мүйіз,
Аңыраған араны – басталды күз.
Ақ боз үйдің туралған туырлығы –
Жазылмайтын жарама басқан киіз.

Жазылмайтын жараға киіз басқан,
Ем дарымай, қан саулар тыйылмастан.
Кісікиік боп кеттік қалаға еніп,
Тағы тағдыр маңдайға бұйырмастан.

Жаңылдық па сыңар жол соқпақтардан,
Қақтан қашып көнеге көп қақталған,
Қайран менің, Сарыарқам, арқарлары
Тас мүсін боп – жүрегі тоқтап қалған.

Арман асқақ, болғанмен мақсат биік,
Өз сорымыз – тағдырдан татсақ күйік.
Күңіреніп күй болып кетер ме екен,
Арқадағы ақырғы ақсақ киік...


Пікірлер (0)

Пікір қалдырыңыз

Жиі қойылатын сұрақтар

Маң далада арқар тұр маңыраған өлеңінің авторы кім?

Серік Сағынтай — осы өлеңнің авторы.

Маң далада арқар тұр маңыраған өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Маң далада арқар тұр маңыраған өлеңі не туралы?

Бұл өлеңде Серік Сағынтай өз ойы мен сезімін көркем түрде жеткізеді.

Маң далада арқар тұр маңыраған өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері