Қази Данабев

Мелш етпей босағамнан басып өттің

Бұл бетте «Мелш етпей босағамнан басып өттің» атты Қази Данабев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.08.2020
0
0
957

Мелш етпей босағамнан басып өттің,
Сен кеттің,
Жоғал сен де қасірет-мұң.
Тұғырдан түспейтұғын тұйғын құсым,
Қасымда қалдың жырым,
Қасиеттім!
Өлеңім - жағадағы құба талсың,
Желпірсің,
Жапырағыңмен жұбатарсың.
Сен бәлкім, тарпаң болсам кешірерсің,
Сен бәлкім, өрлігімді ұнатарсың.
Сен - өлең,
Мен бір ақын ерге теңмін,
Мен сені бөбегімдей тербетермін.
Уа, өрлік, жан досымнан айырдың-ау,
Соны ойласам,
Жынданып мен кетемін.
Кейде бір күйетіндей отқа жаным,
Кешірім сұрауға да оқталамын.
Кейде безем бәрінен,
Сенен де жыр,
Жыр емес, сор болдың-ау деп қаламын.

Қази Данабев мұң мелш етпей босағамнан басып өттің Қази Данабев өлеңдері

Пікірлер (0)

Пікір қалдырыңыз

Жиі қойылатын сұрақтар