Қази Данабев

Діріл бар, апа, үніңде

Бұл бетте «Діріл бар, апа, үніңде» атты Қази Данабев жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

12.08.2020
0
0
1374

Діріл бар, апа, үніңде,
Омырауды жаспен жуардай.
Әз Ана мұндай күнінде,
Жылай ма екен қуанбай.
Жылдардан сұрапыл жасыған,
Жаныңа сенің батар ма ой.
Шаттықтан нұры тасыған,
Шақыртқан мені Отан ғой.
Солдат бол, дейді көгімде,
Салтанаты үшін халқымның.
Кезегім келді менің де,
Бақытын қорғар әр күннің.
Жырақта жүрсем жырымсың,
Жасыма ана жылдарға.
Күрсінбей көзің ілінсін,
Күзетте ұлың тұрғанда.
Екі жыл!
Борыш біткені
Еліме бағыт алармын.
"Құлыным" деуші ең, күт мені,
Құлдырап келіп қалармын.

Қази Данабев діріл бар апа үніңде Қази Данабев өлеңдері

Пікірлер (0)

Пікір қалдырыңыз

Жиі қойылатын сұрақтар