Өлең, жыр, ақындар

Нәзік жанға әр күні гүл сыйлайық

  • 11.10.2020
  • 0
  • 0
  • 1881
Қар жауса да көрсетіп өктемдігін,
Келгендей ма, жаз емес, көктем бүгін?!
Сағыныппын, балдәурен бал күнімді,
Жотада теріп өскен көктем гүлін.
Гүл ғұмыр,
Неткен қысқа, аты жалған.
Ақ таңдар, нұр сыйлашы атып алдан.
Кәрі әжейдің жасындай ғұмыр берші,
Гүлдерін саудаласпай сатып алған.
Қар көңіл басылар бір, борап алып,
Айнала ақ мамыққа оранады.
Шоқ гүлім аязда үсіп қалмасын деп,
Келемін шапаныма орап алып.
Алланың әрбір күні берекелі.
Гүл сезім тынысыңды кең етеді.
Нәзік жанға әр күні гүл сыйлайық,
Күтіп жүрмей бір күндік мерекені!


Пікірлер (0)

Пікір қалдырыңыз

Апам еді бәрімізге қараған

  • 0
  • 0

Қара күзде тезек тасып даладан.
Апам еді бәрімізге қараған.
Әкемнің де қамқоршысы сол еді,
Тоғыз жан ек ол кісіден тараған.

Толық

Өкініштің отына салып кетпей

  • 0
  • 0

Өкініштің отына салып кетпей,
Өзімменен ілестіріп алып кетпей.
Қалайша шыдап жүрмін таң қаламын.
Сол ұшқынның отына жанып кетпей?!

Толық

Ақылын айтып әсерлі

  • 0
  • 0

Ақылын айтып әсерлі.
Кешірген әрбір қатемді.
Нұрыңа Алла бөлей гөр,
Анашым мен әкемді.

Толық