Өлең, жыр, ақындар

Бір гүл көрдім...

  • 11.10.2020
  • 0
  • 0
  • 1621
Бір гүл көрдім,
Ұнады еркелігі.
Ұнататын жан едім ертегіні.
Неге қыста гүл атты сезім гүлі,
Қоштаспай-ақ басқамен, ерте міні.
Жан екен жүзі жылы жарқыраған.
Күлгені де ұнады, алтын адам.
Бір келген дүниеде бақыт керек,
Жылу берер жан керек жалпы маған.
Күндерім өтті талай қанша мұңды.
Білмеймін нені, қалай аңсарымды.
Бір күндік құшағыңа кияр едім,
Атағым жоқ,
Абырой мансабымды.
Жұрттарға тілек айтқам, бақыт тілеп.
Пейіл кең, ауырса да жақұт жүрек.
Бір- бірін ынтызар боп сүйген үшін,
Сол жандар менен қайта бақыттырек.
Жақсы ерге, жақсы жары қарасады.
Жамандар мал-мүлікке таласады.
Құдайдың көзі тура болса деймін,
Бір Алла сүйенішім, қарасады.
Жылуы керек маған, сұлуынан.
Жан еді шолпы таққан бұрымына.
Көп болды,
Сағынамын, ажырадым,
Сол жанның алақаны, жылуынан.
Ренжулі жанмын мен, құсамын ба?!
Ерік бермей жүрген ем күш, ағымға.
Құшақ құшақ гүл шоғын сыйлар едім,
Сен келіп оралмадың құшағыма.



Пікірлер (0)

Пікір қалдырыңыз

Айтып ең, әкем жоқ деп бұрын маған

  • 0
  • 0

Айтып ең, әкем жоқ деп бұрын маған.
Саған сонда көңілім суынбаған.
Әкең емес, жан жарың болсам дегем,
Ер жігіттің берсе егер туын маған.

Толық

Жаннатты етеді екен амал ғана

  • 0
  • 0

Жаннатты етеді екен амал ғана.
Бір күндік тірлігіңді амалдама.
Сәт сағат өмірің бар пендесің ғой,
Ол да пенде, адамды жамандама.

Толық

Тағылымды сөз айттыңыз, келелі

  • 0
  • 0

Тағылымды сөз айттыңыз, келелі.
Асыл сөз ғой, тәлімі мол, берері.
Ар бейнесі – азаматқа дарыған,
Аналардың ақ сүтімен келеді.

Толық

Қарап көріңіз

Басқа да жазбалар