Қайда барам...

Қайда барам, кесе алмайсың қолыңды.
Ақыл айтсаң, көкейіме қонымды.
Арманымның ақ жолынан адасып,
Таппай жүрген жанмын бүгін жолымды.
Кішілік те, бар ғой менде кісілік,
Сыйлаңдаршы, ақ жол тілеп, түсініп.
Тар жол тайғақ кешіп жүрген кезімде,
Нетесіңдер меселімді түсіріп.
Барлығыңды жақсы көрем, тең көрем.
Әрбір жылы сөздеріңнен емделем.
Түгеліңнің амандығын ойлаған,
Бауыр қайдан табасыңдар мен деген.

---