Аза тұттым апа деп – Абдулмахмуд Пошатаев

Өмірімнің оқысам көп парағы.
Анама әпкелерім көп қарады.
Құшағында өскен бір немерелер,
Жанға батты,
Апа - деп жоқтағаны.
Әпкелерім,
Алтыным, асыл жаным.
Аман болсын өсірген асылдарың.
Сел болып төгілді ғой көзімнен жас,
Оңашада,
Мен жұрттан жасырғанмын.
Арыстай орны бөлек ағаларым.
Өздерің баға жетпес, қара нарым.
Әкемнің жолын берсін,
Бар болыңдар,
Қайырымды болсыншы балаларың.
Рахмет жеңге, келін, туыстарға.
Кеме де өрге жүзер туыс барда.
Бақ береке дариды, ата сөзі,
Береке-бірлік болса туысқанда.
Әкеміз бар,
Кемеңгер қариямыз.
Ол біздің түбі терең дариямыз.
Сол алып бәйтеректің бұтағымыз,
Елге арман,
Елге үлгі жанұямыз.
Бәрі жалған,
Дүние боқ, бөлісетін.
Көрдіңдер ғой,
Бұл жалған, өлі шетін.
Бұл менің бауырым деп құшақ жайып,
Сол күнді аңсаймын мен көрісетін.