Жұмахан ағама!

Сұрайтын жан емес ек жәй керегін.
Алла бермей қойса егер қайтер едің?
Жас шыбықтай хор қызың өсіп-өніп,
Күйеу бала болсыншы бәйтерегің.
Ұл-қыз берсе, берсе екен санасына,
Әр әке алаңдайды баласына.
Сенім артқан «Гүліңіз» аман болсын,
Қамқор болсын әкеге, анасына.
Асыл мінез шығады тектілерден.
Күйеу жігіт ибалы, текті жерден.
Немерені әлдилеп, шөбере сүй,
Құдаларың жан екен көпті көрген.
Жұмеке,
Көріп бүгін шаттығыңды,
Ұзаттың мәпелеген ақ гүліңді.
Күйеу жігіт қадірле қарындасты,
Шалқардан ұшып шыққан аққуымды.

---