Өлең, жыр, ақындар

Аға неге хабарласпай кеттің деп

  • 15.12.2020
  • 0
  • 0
  • 1210
Аға неге хабарласпай кеттің деп
Қызық шығар ағасынан хат күтпек.
Бірақ ол жан айта алмайды қарағым
Хат жазуға біз есейіп кеттік деп.

Білсе де ол айта алмайды көп жайды.
Сағынғанда тек өлеңін арнайды
Кейде өмірде ғашық болған жанға да
Арманыңды сездіруге болмайды.

Жатар бәрі жүрегіңде сақталып
Жылдап жазған жырларыңмен хатталып.
Хат жазбасаң кінәлі боп қалардай
Өз-өзіңнен отырасың ақталып.

Күндер деген зулайды кеп білінбей
Ерте солған күзгі бақтың гүліндей.
Қайтқан құстың сағынышы тәрізді
Хат келеді ерте көктем күніндей.

Көктем өтіп бірде сосын жаз келер
Жайнап жатқан жасыл өңір өзгерер.
Бір көрсем деп сол бақытты кездерді
Жиі-жиі еске алатын кез келер.

Сағынып мен хат жазамын сол шақта
Сәлем жолдап өзің жүрген аймаққа.
Мені білген туыстарға қол беріп
Жүрегімен жақын адам болмаққа.

Жырларымды оқып сонда қабыл ал
Іздегенге көп қазына табылар.
Оны оқып өзге емес біреулер
Жүрегі ыстық жазған жанды сағынар.

Солай-солай сағыныштан жыр өріп
Хат жазысып хабарласып жүрелік.
Ғұмыры ұзақ сезімдердің біз кешкен
Ең сәулелі сәттеріне сүйеніп.



Пікірлер (0)

Пікір қалдырыңыз

Қара жер дүниені арқалап

  • 0
  • 0

Қара жер дүниені арқалап
Әнеки ай туды шалқалап.
Ертең-ақ күз бітіп қалады
Қыс келсе қызығын ортаға ап.

Толық

Көбейіп жүр көсемсіген менмендер

  • 0
  • 0

Көбейіп жүр көсемсіген менмендер
Жалғандықтан жорға мініп желгендер.
Не жақсылық, не жамандық шықса да
Салпаң қағып дүние үшін ергендер.

Толық

Түсесің ғой түсесің күнде өмірдің тезіне

  • 0
  • 0

Түсесің ғой түсесің күнде өмірдің тезіне
Кейде соны жүресің жан-тәніңмен сезіне.
Сыбыр-күбір әңгіме айтылады не түрлі
Құлақ қойып байқасаң әркімдердің сөзіне.

Толық

Қарап көріңіз