Өлең, жыр, ақындар

Күндерім күнмен жарысып

  • 10.02.2021
  • 0
  • 0
  • 1429
Арқаға барсам сыр ұғам,
Аппақ әлемге жақындап.
Қасқыр боп қаңтар ұлыған,
Сары аяз тісі сақылдап.
Ұшатын күн бұл Айға арман,
Көңілдің көлбеп құстары.
Мұз-қайрақпенен қайралған
Найза-шыңдардың ұштары.
Көк аспан жерге жақындар,
Ақ боран – ардың өлеңі.
Ақпанда туған ақындар
Ақ түсті жақсы көреді.
Ақ қарлы дүние айналам,
Тозаңдарымды аршыған.
Салбурындарға сайлағапн
Бабында бүгін қаршығам.
Күндерім күнмен жарысы,
Жырымды жырға жалғадым.
Ауыздықпенен алысып,
Тыпыршып тұрған тарланым.
Жарық күн айтар сәлем мың:
Қанаты барлар, самғаңдар!
Ішінде ақ зер әлемнің
Адасып жүрген Арман бар...



Пікірлер (0)

Пікір қалдырыңыз

Жидебайда жазылған жыр

  • 0
  • 0

Жалына жүйрік жырдың жармасқалы,
Жанымның жарқ-жұрқ етіп алдаспаны.
«Туғанда дүние есігін ашқан өлең...»
Мен саған жетіп едім жалғасқалы.

Толық

Сұрақ белгісі

  • 0
  • 0

Жылы ағыстарға жылдардың тартып жетегі,
Өліара туа өріп бір кетсек не етеді?
Алаштың жұрты...
Алтын тұяқтың мөрі бар –

Толық

Абаймен сырласу

  • 0
  • 1

Найзағай-тағдыр шатырламашы,
Дегберін алып пенденің.
Аға сұлтанның ақын баласы,
Сөзімді тыңда сен менің!

Толық

Қарап көріңіз