АНА – Нұрфариза Мырзағалиева

Айту оңай,
Жеңіл жазу Ана атын.
Қиын қалай
Әйелге алу Ана атын.
Қиын шаруа
Арқалау да Ана атын.
Бақыт дара
Бағалау да Ана атын.
Бағы ғана
Баптауы да өз бағын.
Алыса жүріп
Арқа жазар кезінде,
Болыса жүріп
Арқалар бала жүгінде.
Жоғары кетсең
Құламас үшін семіртпей,
Төменде жүрсең
Құр болмас үшін жүдетпей,
Аптапта ыстық
Қанатын жая саяңа,
Ызғарда суық
Айналар жайлы жайыңа,
Түссе де өзі
Отты азапқа
Итерер сені
Ақ таң жұмаққа,
Анадан артық
Биіктік бар ма жаханда.
Тілеуінің бас аяғын
Сен қылар,
Болса титім
Құдіреті қолында
Жүрегіңнің дүрсіліне
Айналар,
Ана дейтін
Құдіретті Адам бар.
Биік тұрған
Биік-биік Ана аты
Тиіп тұрған
Адамзаттың жәннәті!