Өлең, жыр, ақындар

Ауыл таңы

  • 07.04.2021
  • 0
  • 0
  • 1318
Аралап ем малды ауылды аз-ақ күн,
Әзіл-оспақ, әдет-ғұрып ғажап тым.
Көбі таңсық, ойлап қалдым мен өзім
Санатында бармын ба деп қазақтың?!
Ағай пысық, ұқсамайды қартыңа,
Аталардың адал екен салтына.
Оң жақта, әне, үй ішінде бір үй бар,
Жасырынған шымылдықтың артына.
Боз даланың бұзған тыныш ырығын —
Естіп жаттым бозторғайдың шырылын.
Мен де кеттім сол торғайға қосылып,
Тоқтата алмай жүректегі жыр үнін.
Шөп майысып, сәл қырауды жүк қылып,
Күзгі тұман танытқандай мықтылық.
Жарқ еткенде жайраң қаққан Күн сұлу,
Жанарлары жылт-жылт етті шық күліп.



Пікірлер (0)

Пікір қалдырыңыз

Үстірт жолдары

  • 0
  • 0

Шексіз, шетсіз не деген жол шаңдатқан,
Қанша, қанша менен бұрын жан басқан.
Ен далада көзге түсер көде жоқ,
Анда-санда жолды кесе аң қашқан.

Толық

Ей, адамдар, Абыл ата ұрпағы!

  • 0
  • 0

Адам ата алғаш қадам басқалы,
Меншігінде Күні де, Жер, Аспаны.
Содан бері ізгілік пен жауыздық,
Өз таңбасын тарих қып тастады.

Толық

Шәрбаттан балдай не пайда

  • 0
  • 0

Шәрбаттан балдай не пайда
Жұтқыннан әрі өтпесе.
Сұлудан "сұқсыр" не пайда
Тұшынып өзі өппесе.

Толық

Қарап көріңіз