Жүрегiңнiң атқақтауын байқасаң – Исраил Сапарбай

Бұл бетте «Жүрегiңнiң атқақтауын байқасаң» атты Исраил Сапарбай жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 15.07.2021
  • 0
  • 0
  • 731
Жүрегiңнiң атқақтауын байқасаң,
«Жүрiсiңнен айналдым» деп айта сал.
Сергелдеңнен шығар ма едiң, кiм бiлсiн,
Сезiмiңнiң жұмыртқасын шайқасаң...
Сол сезiмнiң құлымыз ғой Сен де Мен
Тəңiр жазған тағдырыңа көнбеген.
Перiштенiң дəргейiне зар болып,
Зорлық пенен қорлық көрген пендеден.
Келемежi келтiретiн күлкiңдi
Ұлы жұртта ұғып жатыр кiм-кiмдi?
Қорым жақтан қоңыр баққа қол созған
Қойсайшы бұл Көңiл деген шiркiндi!
Көкаттыға көрсете алмай мықтылық,
Көгiлдiрiм ылайланды тұп-тұнық.
Нəркес көзден нəр татпаған қу нəпсiм
Түнiменен Айға қарай шықты ұлып...
Түнiменен шеше алмай бiр жұмбақты
Түндiгiмнен Үркер үнсiз ым қақты.
Қара басып...
Жағаласып Елеспен,
Жарығым-ау, менi қандай жын қақты?
Өздi-өзiңмен оңай ма екен алысқан? –
Азу тiсiн ақситады Арыстан.
Күнiм менiң, көкжиекте күмiлжiп,
Үнiң сенiң естiледi алыстан,
Сүйiктiм...


Пікірлер (0)

Пікір қалдырыңыз

Жиі қойылатын сұрақтар

Жүрегiңнiң атқақтауын байқасаң өлеңінің авторы кім?

Исраил Сапарбай — осы өлеңнің авторы.

Жүрегiңнiң атқақтауын байқасаң өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Жүрегiңнiң атқақтауын байқасаң өлеңі не туралы?

Бұл өлеңде Исраил Сапарбай өз ойы мен сезімін көркем түрде жеткізеді.

Жүрегiңнiң атқақтауын байқасаң өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері