Өлең, жыр, ақындар

Көмескi тартқан шақта көңiл-айнам

  • 16.07.2021
  • 0
  • 0
  • 604
Көмескi тартқан шақта көңiл-айнам,
Көрiктiм, таба аламын сенi қайдан?
Тəрк еткен Перiштедей пенде жұртын
Алыстап кетесiң-ау сен де бiр күн…
Қай жаққа сонда қарап телмiрермiн?
Көнермiн,
Көксей-көксей көндiгермiн.
Жалғыздан-жалғыз қалған сорлы басым,
Отырар шертiп шерлi домбырасын.
Ұласар қоңыр əуен қоңыр мұңға,
Сен анда,
Өксiгi мол өмiр мұнда…
Көрсетпей көз жасымды тiрi жанға,
Ұқсармын Айға қарап ұлығанға.
«Қош, жаным,
Қош, жананым, қош ендi» деп
Жетiм мен жесiр күйiн кешер жүрек.
Қайтейiн, тағдырымды қарғайын ба? –
Мен – Жерде,
Сен жатарсың жар қойнында.
Жаратқан,
Өзiң ғана жар боларсың,
Жаза алмай жазым болсам жан жарасын…



Пікірлер (0)

Пікір қалдырыңыз

Сенсiз менiң өмiрiм өлең бе едi

  • 0
  • 0

Сенсiз менiң өмiрiм өлең бе едi,
Жаңармалы тiрлiкте, көнермелi?
Көңiл шiркiн сен жаққа елеңдеулi
Қоңыр мiнез қозыдай көгендегi.

Толық

Жасырынбақ

  • 0
  • 0

Қойғанша арман дүние асылыңды ап,
Жайдарман жастық шақтың бəсі қымбат.
Ақ қайың – ару əлем арасында
екеуміз ойнап жүрміз Жасырынбақ.

Толық

Шақпақтас

  • 0
  • 0

Сөйлеуді білмей абайлап,
Ар санап ақыл айтуды,
Көзіңде шарт-шұрт жай ойнап,
Найзағай шатынайтын-ды.

Толық