Өмір, өтіп барасың қайрылмастан – Исраил Сапарбай

Бұл бетте «Өмір, өтіп барасың қайрылмастан» атты Исраил Сапарбай жазған өмір туралы өлең берілген. Өлең мәтіні, текст, өлең жолдары және толық нұсқасын осы жерден оқуға болады.

  • 20.07.2021
  • 0
  • 0
  • 858
Өмір, өтіп барасың қайрылмастан,
Өкпелідей заманға қайырым қашқан.
Жетегіңе ерем де жетімектей,
Етегіңе жармасам айрылмастан.
Қарай ма деп бірауық хал-жайыма
Шамам келмей жабысам шалғайыңа.
Талықсыған кезімде, талаураған
Су тамызсаң қайтеді таңдайыма?
Шабысыңнан жазбайсың жорғасымақ,
Жанұшырам жалыңа жармасып ап,
Құлқынына құзғынның құм құйылып,
Қалып жатыр қапталда қарға шулап...
Бірде ұғып өзіңді, бірде ұға алмай,
Өтемін бе ештеңе тындыра алмай?
Əй-шəйіме қаратпай ажал шіркін
Алмаса етті алқымнан бір күні, Алла-ай.
Өмір, өтіп барасың бұрылмастан,
Қызық қуып қыздайын қырым қашқан
Ашу басу айтатын шамаң бар ма
Адамдарға иттейтін ырылдасқан?
Қырық құрау, жүректі қырық жамау
Түңілтетін түбінде түрің бар-ау!..
Қабағың бір, қайтейін, ашылмады-ау,
Назарың бір, қайтейін, бұрылмады-ау.
Қара жердің түскенше қорабына
Көз қырыңды салсаңшы «қонағыңа»
Жалғыз аяқ жолымды жалғармысың
Жаһан кезген бабалар сорабына?..


Пікірлер (0)

Пікір қалдырыңыз

Жиі қойылатын сұрақтар

Өмір, өтіп барасың қайрылмастан өлеңінің авторы кім?

Исраил Сапарбай — осы өлеңнің авторы.

Өмір, өтіп барасың қайрылмастан өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Өмір, өтіп барасың қайрылмастан өлеңі не туралы?

Бұл шығарма өмір туралы өлең ретінде танымал. Өлеңде автор өз ойын көркем түрде жеткізеді.

Өмір, өтіп барасың қайрылмастан өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері