Қоқан ханына айтқаны – Жанкісі би

Бұл бетте «Қоқан ханына айтқаны» атты Жанкісі би жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 25.11.2015
  • 0
  • 0
  • 6037
Ассалаумағалейкум,
Алдияр тақсыр ханымыз!
Алдыңа келді қарашың,
Арызды қабыл алыңыз.
Өтірік болса арызым,
Мінеки сізге жанымыз.
Өзіңіз қосқан зекетші
Біздің елде Жүзбай бар.
Жүзбайдың жүрген жерінде
Жылау менен ойбай бар.
Және мұның жолдасы
Қаратамыр Дадан бар.
Еріп жүрген соңында
Қырық-отыздай адам бар.
Шоңмұрын деген молдасы бар,
Төлеген деген жорғасы бар.
Атына жемді салуға
Алты еннен қылған дорбасы бар.
«Келі түбім» деп алады,
«Кеусенім» деп алады,
«Отыра зекет» деп алады,
«Құшақ зекет» деп алады.
Арқадан келген сор Найман
Аң-таң болып қалады,
Айтайын десең, ұрады,
Ұрмақ түгіл қырады.
Қаумалаған көп момын
Қорлаушыдан құтылар
Амал-айла таба алмай,
Қарайды да тұрады.
Алдына салып айдайды,
Ашулансаң, байлайды.
Әкімі жоқ қазаққа
Теңдік жоқ деп ойлайды.
Алса, малға тоймайды,
Біз жыласақ,ойнайды.
Ел ішінде ажарлы
Қыз-қатынды қоймайды,
Жақсыларды сөгеді,
Ат үстінен тебеді.
Жүрексініп отырмын,
Айтар сөзім көп еді...


Пікірлер (0)

Пікір қалдырыңыз

Жиі қойылатын сұрақтар

Қоқан ханына айтқаны өлеңінің авторы кім?

Жанкісі би — осы өлеңнің авторы.

Қоқан ханына айтқаны өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Қоқан ханына айтқаны өлеңі не туралы?

Бұл өлеңде Жанкісі би өз ойы мен сезімін көркем түрде жеткізеді.

Қоқан ханына айтқаны өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Ұқсас өлеңдер

Басқа да жазбалар