Ұжмақ коғам болғаны жоқ, болмайды – Тұрсынхан Әбдірахманова

Ұжмақ коғам болғаны жоқ, болмайды,
Өмір — күрес, кемшіні әсте толмайды.
Бес қоғамды түгел зерттеп салыстыр,
Адам үшін қайсысы екен оңтайлы.
Бәрінде де еңбек озық тұрады,
Адам айла, түрлі тәсіл құрады.
Өз жайына риза пенде болмайды
Мол отырып, баюға бой ұрады.
Баю үшін түрлі тәсіл құрады,
Көңіл баурар биік тұрады ұраны.
Бай-кедейге бөліп тастап коғамды
Сел боп тасиды саясаттың бұлағы.
Байығандар кедейлерді жалдайды.
Көп енбекке аз төлеп мол қармайды.
Суырылып шығып, билік құрып пысықтар
Айла асырып саясат деп сарнайды.

18.05.2001 жыл.