Көзіме қарамашы – Тұрсынхан Әбдірахманова

Көзіме қарамашы,
Адалмын айналайын!
Тұрғам жоқ деп өзіңнен
Ат, атан байланайын.
Елім деп шүберекке
Жан түйген азаматқа
Тілекті жалған айтып,
Мен неге айлалайын,
Биікті аласартып,
Неліктен майдалайын,
Адалмын айналайын!
Халықты сүттей ұйып
Отырған іріткісі Келетін
Күш пілдердей
Емеспін бүлік кісі.
Жүрегімнен орын алды
Парасаты биік кісі.
Қабылдап шешіміңді
Құп алар ұйып кісі.
Деп жүрген бір тұлғасың
Елімнің сүйіктісі.
Бола бер тілектеспін.
Халқымның ұйытқысы.
Әлемге асырдың сен
Танытып қазақ атын
Еліме арқа тірек
Аяулы азаматым.
Мегзеген болашақты
Арайлы тұрсын таңың
Халқымның бақытына
Жасай бер, НҰРСҰЛТАНЫМ!