Өлең, жыр, ақындар

Мына жақтың желдері

  • 12.09.2021
  • 0
  • 0
  • 700
Қыс па, жаз ба, бәрі бір, күн бе түн бе,
Қошаметтер күтетін құрметіне.
Қаладан да соғатын, даладан да,
Соғам деген келсе олар бір бекімге.

Жетем деген жеріне жететұғын,
Жетпек түгіл сәл асып кететұғын.
Қолтығың ба, қоншың ба қарамастан,
Өтем деген жерінен өтетұғын.

Жауап күтпе, тыңдай бер сұрағыңа,
Тыңдамасаң сайрайды құлағыңа.
Қол соға сал көлбеңдеп жетіп келсе,
Күле салғын кеп тұрса жылағың да.

Үлгіретін қаумалап құшып беттен,
Мына жақтың желдері пысық неткен.
Кетіре алмас қуған мен сезімді олар,
Көздерімнің ішіне түсіп кеткен!


Пікірлер (0)

Пікір қалдырыңыз

Қоштасарда

  • 0
  • 0

Арманым менің жатқанда аппақ қыр асып,
Сендегі мұңдар мендегі мұңмен ұласып.
Отырдық бірдем көңілден ғажап сыр ашып,
Отырдық бірден жылама десіп,жыласып.

Толық

Іздеме мені

  • 0
  • 0

Апта мен айлар ауыспақ түгіл,
Жылдардың көші қыр асты.
Мұңдарды мұжып тауыспақ түгіл,
Жас келер көзге тым ащы.

Толық

Он алтыншы желтоқсан

  • 0
  • 0

Түн ығысты.
Күн шығыстан келе жатты таң қысып.
Жапырақтың жанарында
Қатып қалған таңғы шық.

Толық