Өлең, жыр, ақындар

Абайдың ақбоз үйінде

  • 24.09.2021
  • 0
  • 0
  • 693
Көзін тіккен шартарап,
Ақбоз үйі Абайдың.
Шаңырағына
Шалқалап,
Қайта-қайта қараймын.
Көтеріп ой азабын,
Қасіретке көнді Абай.
«Қалың елі қазағын»
Бүгін көрсе... дер қалай?
Сілкінбейік қалайша,
Айналамыз толы аңыз.
Бәріміз де Абайша
Ой толғаған боламыз.
Сөйлегенде топшылап,
Май тамызар тіл ғажап.
Ортамызда жоқ бірақ
Күпі киген бір қазақ.
Шығарғандай күнді өрге,
Сілтеп отыр талай жан.
Біреу үшін бұл жерде
Ұяласың Абайдан.
Сабаздарды санайды
Кеткен үміт ақтамай.
Бізге сынай қарайды
Әміршідей ақ сарай.
Алдымызда бар мәзір,
Сөз – дария, ой – теңіз.
Абай атам дәл қазір
Кіріп келсе... қайтеміз?!

1984



Пікірлер (0)

Пікір қалдырыңыз

Қара орман еді

  • 0
  • 0

Мінгенде тартып ат жалын,
Қара орман еді қапталым.
Найзағай түсе бастады,
Лапылдап сұмдық от­-жалын.

Толық

Санына садақ ілдірмей

  • 0
  • 0

Санына садақ ілдірмей,
Сағым боп ақты күндерім.
Сақтадым сабыр білдірмей,
Сырымды ұғар кім менің?!

Толық

Бөрітостаған

  • 0
  • 0

Бөрітостаған, Бөрітостаған,
Жұмбағыңды айтшы, кәрі тас, маған.
Таңырқасын деп жердегі пенде,
Аспаннан, бәлкім, пері тастаған.

Толық

Қарап көріңіз