Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. Мизам шуақ

Айнұр Төлеу

Мизам шуақ

  • 25.09.2021
  • 0
  • 0
  • 1559
Сап-сары жапырақ
Сап-салқын Жалын ғой.
Өн бойын өрт шалып
Құлаған.
Көктемде бітпейтін биікке
талпынып,
Ал күзде тартылыс заңынан
Бір медет сұраған!
Сенсіз де өткіздім
жартысын жарықтың!
Момақан күндерге малданып,
Сұп-сұйық сөздерге алданып!
Енді кеп,
қайыңға қараймыз
елжіреп!
Өзіміз өртене алмадық!
Қапырық күй кешіп,
Қаламға қарманам.
Мизамның шуағы –
Мендегі сағыныш
Маздаған,
Сарғая алмаған!

Айнұр Төлеу мизам шуақ Айнұр Төлеу өлеңдері

Пікірлер (0)

Пікір қалдырыңыз

Аспандағы қоштасу

  • 0
  • 0

Көк аспанның көкірегі гүр етті,
Аяп кеттім аспандағы жүректі.
Күркіреген күннің дауысын бір естіп,
Жердің бетін жасын қарыды,

Толық

Астана

  • 0
  • 0

Самұрықтың қанатынан сау етіп,
Қиял тамды санама!
Хан тоқтаған Қараөткелге тәу етіп,
Тізе бүкпей, бола ма?

Толық

Дегерес

  • 0
  • 0

Дегірейіп жатыр дейді сені жұрт,
Айтты дейсің нені ұғып?
Менің мият-мекенім,
Алатаудың жүрегі сен екенін,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер