Болмасын соғыс, болмасын! – Гульнази Назарова

Болмасын соғыс, болмасын!
Ана жесір, бала жетім қалмасын.
Сұрапыл соғыстың қиындығын,
Ешкімнің басына салмасын.

Қайғылы күндер қалды артта,
Оңай жолмен келмеді, жеңіс қазаққа.
Үлгі болды Әлия мен Мәншүктей,
Батырларым өсіп жатқан ұрпаққа.

Тілеймін мен бейбітшілік адамзатқа,
Адамдар тек бақыт үшін жаралғанда.
Әдемілік, сұлулық өз қолында
Не жетпейді соғысып бұл жалғанда.

Болмасын соғыс, болмасын!
Жастарым биікке самғасын.
Қазақтың атын өшірмей,
Бабалар жолын жалғасын.

"Болмасын соғыс, болмасын"-деген тақырыпта
Шығып еді анам да айтысқа.
Бас бәйгені жеңіп ап,
Қалып еді аты тарихта.

Мен соны жалғастырдым,
Анамның өнерінің жалғасымын.
Өмірден жас кетті анам,
Бер тәңірім өмірінің жалғасын.