Өлең, жыр, ақындар

Дәурен­-ай!

  • 18.10.2021
  • 0
  • 0
  • 4097
Самғаған аспанында сар даланың,
Сағындым бозторғайдың салған әнін, дәурен­ай!

Еркіңе бағынбас,
Асау арман­ай!
Іздесем табылмас, беу, шіркін,
Асыл маржан­ай!
Жастық дәурен тұрмас,
Қайта мойын бұрмас,
Тоқтамастай,
Шапқан аттай,
Атқан оқтай, дәурен­ай!

Сырыңды мен қалай
Қалдым аңдамай?
Анамның сүтіндей, беу, шіркін,
Аппақ таңдар-ай!

Сағынсам бозторғайдың салған әнін,
Қолға алып домбырамды толғанамын, дәурен­ай!

Сабадан асырмас,
Сайран өмір-ай!
Арыны басылмас, беу, шіркін,
Қайран көңіл-ай!
Өмір көркі тозбас,
Одан ешкім озбас.
Ескен желдей,
Көшкен сендей,
Аққан селдей, дәурен­ай!

Аспаңдап алатын,
Асқақ қанатым,
Саған да кез келер, беу, шіркін,
Тыным табатын.



Пікірлер (0)

Пікір қалдырыңыз

Жалындап шаттық құшамын

  • 0
  • 0

Жалындап шаттық құшамын,
Көңілдің жоқ қой тояры.
Естимін көктен құс әнін,
Желпінтіп жанды жеткен бе

Толық

Көңіл дауылы

  • 0
  • 0

Қарап тұр ем бір күні белге шығып,
Қаңбақтарды барады жел көшіріп.
Жел айдаған қаңбақтай кім көшпейді
Әурелесе аз күнгі пендешілік?

Толық

Ерлік пен тектілік

  • 0
  • 0

Қайғының борандатып қарлы қысы,
Көңілдің шырылдайды зарлы құсы.
Бөрідей бел астында ұлиды ажал,
Әйтеуір, өлім жақын – белгілісі.

Толық

Қарап көріңіз