Жүрегіңді емде – Бақытгүл Қалдарбек

Жүрегіңді емде
Қатыгездікке салынбай,
Жүрегіңді емде
Надандыққа малынбай.

Біреу кейде намысыңа тисе де
Ауыр сөзбен жанды тіліп өтсе де
Кек сақтамашы жүрек,
Көзден жасты төксе де.

Ақың кейде желініп тұрса да
Сезіміңнен Қамшымен ұрса да
Тас болмашы жүрек
Тас болуға бүйіріңді бұрса да.

Жүрегіңді жұмсарт кешіре біл бәрінде
Көркем мінез тегін келер тек көріңде.
Шыда, ақыл таныт қабырғаң қақсап тұрса да
Тегін емес қой отыру жұмақтың ертен төрінде.