Өлең, жыр, ақындар

Мамық нұр тамды суреттегі гүлге

  • admin
  • 22.04.2024
  • 0
  • 0
  • 289
Мамық нұр тамды суреттегі гүлге,
Жаным –
парағы былтырғы газеттің,
үстеліңде қалған қақталып күнге...
Бүгін де қарамадым күнтізбеге,
Ертең де қарамаймын...
Тәні нәзік
хаттар өсірем үстелге тізбелеп.
Аулаңдағыдай ақ мысық аламын,
Шашымды ұзартам,
Уақытты ұзартам,
Белі сықырлаған есікті жабамын...
Сені күтпейтін шығармын...
Ал кешке
әйнекте бүрлеген нұрды суғарам,
көктемді суғарам терезеде өскен...
Сағынсам жамылам салқын ауаны,
Түнде жағам аспашамның іңірін
еденде сырғыған жұмсақ табаны.
Масаң үн ұшқан радионы қосам
тыңдамасам да жалғызсыратпау ғой
бөлмені...
Сөйтсе де, көңілсіз ән тосам...
...Сені күтпейтін шығармын...
Екі кесеге шәй құям,
сәл төгем.
ыстық шәй ішем бір ғана тілекпен;
...екінші кесе суымаса екен!

...сен келмейтін шығарсың, Анесса!



Пікірлер (0)

Пікір қалдырыңыз

Қара шал...

  • 0
  • 0

Жел тербеген жусан, шалғын биіне,
Қарап тұрып сағынышым үйіле,
Асығамын өткеніме кешегі,
Балалығым қалған сонау үйіме.

Толық

Жаратқанның рұқсатынсыз түспес

  • 0
  • 0

Жаратқанның рұқсатынсыз түспес
әр жапырақтың тағдыры ерек...
Жапырағым-ай жанымыз түстес,
Айтып келдің бе тағы бір дерек;

Толық

Күз келсе де, жайқалады жан-рухым

  • 0
  • 0

Күз келсе де, жайқалады жан-рухым,
Бұлт төнсе де, ар ішімде таңғы нұр.
Мөлт-мөлт етіп әйнегінен көзімнің
Сырғи ақты қыркүйектің жаңбыры...

Толық

Қарап көріңіз

Басқа да жазбалар

Пікірлер