Өлең, жыр, ақындар

Тереземнен

  • admin
  • 22.04.2024
  • 0
  • 0
  • 401
Тереземнен –
тау көрем қалғыған,
Аспан көремін үсіген,
Жарық көрем жетпеген,
Қолымды созам,
...түсінем.
Жауып тұр тағы қоңыр қар,
Анамды көрем сағынған,
Кірпігім түртіп кетті ме,
Жұлдыздар көрем ағылған.
Ауылды көрем,
аспаны
көзімнен ағып барады...
Өткенім менің – күресін,
...Өкініш көрем, қарағым...

Алдымда менің бос кесе,
Тістелген шұжық тілімі,
Және жалғыздық,
Көңілсіз
бұрышта отыр түн әлі.
Бәрі де менің кесірім,
Бәріне менмін кінәлі...
Шаршаған үні шәркенің,
Шапалақтайды еденде.
Ауаға асылып шырақ,
Түнімен тұрад төбемде.
Саусағым кетті сарғайып,
Құтылар құлап қолымнан
секіріп түсед еденге.
...жалынам тағы, табынам...
Жүрегімді жайып қойғам
күнге,
Жуып ем таңшуақ,
Кеппеген қалпы әлі тұр,
Көкірегімнен тамшылап...



Пікірлер (0)

Пікір қалдырыңыз

Кеткім келеді алыстарға...

  • 0
  • 0

Кеткім келеді алыстарға...
Қайда барам?
Мылқау әуен сыр шертеді айдаладан.
Сезім — малай, тән билікте жерідім мен,

Толық

Мейірім Гүлі

  • 0
  • 0

Біз –
жабырқаған,
ашыққан,
сырқат пендеміз...

Толық

Жалғыздық жамылған күз

  • 0
  • 0

Көшені кезеді ақ тұман
Ажалдың күпісін киініп.
Жапырақ құлайды сыбдырлап,
Самалмен үзілген күй іліп.

Толық