Өлең, жыр, ақындар

Тарбағатай

  • 18.10.2021
  • 0
  • 0
  • 2783
Суың балдай, самал желің саумалдай,
Жапырағың жанға сая болғандай.
Беткейіңе гүлден өрнек салғандай,
Тарбағатай, ғажап едің сен қандай!
Тастарыңнан меруерт­-моншақ тамғандай,
Аспаныңнан жерге жұпар жауғандай.
Сұлулықтың бақыт құсы қонғандай,
Тарбағатай, ғажап едің сен қандай!
Көрмегенге көңілдегі армандай,
Атырабың алтын нұрға толғандай.
Күннің көзі саған тоқтап қалғандай,
Тарбағатай, ғажап едің сен қандай!



Пікірлер (0)

Пікір қалдырыңыз

Туған жерге

  • 0
  • 0

Туған жер, сенен кетерде
Жабығып, қатты жүдедім.
Ұшырсам саған жетер ме
Көгершін – менің жүрегім?..

Толық

Ауылым менің

  • 0
  • 0

Ауылым, сенде жарқырап атқан,
Жарқырап атқан таң қандай!
Балалық шақта лүпілдеп соққан
Жүрегім сенде қалғандай.

Толық

Жылай берме

  • 0
  • 0

Жүз толғанып, мың ойланып,
Жылай берме, мұңлы ақын.
Күн шыққанмен шырайланып,
Қайта келер түн жақын.

Толық