Болашаққа берейін сөз кезегін – Қанипа Бұғыбаева

Бұл бетте «Болашаққа берейін сөз кезегін» атты Қанипа Бұғыбаева жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 06.11.2021
  • 0
  • 0
  • 915
Бұл өмірден біреулер жерінеді,
Ерінеді, зерігіп, керіледі.
Кәрі дүние баланың көздеріне
Жаралғандай жаңадан көрінеді...
Адам – арман, кезекпен дабыл қағар,
Тірліктегі қосылып ағынға бар.
Жүрегіңмен жазған жыр, айтқан әнің,
Әр жүрекке әр түрлі қабылданар...
Ай дегенің дөңгелек шарайна екен,
Түнгі аспанға сәулесі тарай ма тең?
Әр нәрсеге жаңалық ашқандай боп,
Сәби көзі таңданып қарайды екен.
Дауылменен күресіп бала шыбық,
Белдескен бір батырдай дара шығып,
Жалындаған осынау жас бала үшін,
Дүние есігі тұрғандай жаңа ашылып.
Биіктерім биікке табынып тұр,
Өмірі өткен сағымдай сабылып құр.
Арманы жоқ «бақытты» біреу үшін
Дүние есігі тұрғандай жабылып бір...
Сезгенімнен көп екен сезбегенім,
Орындатар бұл өмір өз дегенін.
Бүгінімнің бағасын айтып берер
Болашаққа берейін сөз кезегін!..


Пікірлер (0)

Пікір қалдырыңыз

Жиі қойылатын сұрақтар

Болашаққа берейін сөз кезегін өлеңінің авторы кім?

Қанипа Бұғыбаева — осы өлеңнің авторы.

Болашаққа берейін сөз кезегін өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Болашаққа берейін сөз кезегін өлеңі не туралы?

Бұл өлеңде Қанипа Бұғыбаева өз ойы мен сезімін көркем түрде жеткізеді.

Болашаққа берейін сөз кезегін өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері