Өлең, жыр, ақындар

Көктем менің көкірегімде көктеген

  • 07.11.2021
  • 0
  • 0
  • 633
Көктем менің көкірегімде көктеген,
Жапырақтарын жерге қанша төкті емен.
Жанымның бар жырға төгіп шуағын.
Мен өзімді сүйікті етсем деп келем.
Табиғаттың өлмесіне сенемін.
Сенімменен сүйіп өтем сен елім.
Қылыш ұстап шықса өзгенің өлеңі,
Гүл көтеріп шығар менің өлеңім.
Баяулар ма, беті қайтып арыным,
Арыныма тұзақ құрар тар ұғым.
Толқытып бір жан-жүректі жаулайтын,
Махаббатым болар менің қаруым.
Ауырлайды жер бетіне түскен жүк,
Азап емес, бақыттан аз түс көрдік.
Бір күндері бұйрықсыз-ақ, оқсыз-ақ –
Жүректерге етеді жыр үстемдік...
Болар менің жыр ауруым, жыр емім,
Жырсыз, сырсыз қалай өмір сүремін?.
Адамдардың жан-сезімін жаулайды,
Мейіріммен менің ана жүрегім...



Пікірлер (0)

Пікір қалдырыңыз

Айхай, менің кең далам

  • 0
  • 0

Айхай, менің кең далам,
Жазылып қалды-ау құшағым.
Көңілді осынау толмаған,
Көміп бір кетті-ау күш, ағын.

Толық

Алмасуда қуанышпен бір мұңым

  • 0
  • 0

Алмасуда қуанышпен бір мұңым,
Мұңсыз менің жеңіл тартар тірлігім.
Жапырақ жаяр мынау жарық өмірге
Жүрегімде бүршіктенген жыр гүлім.

Толық

Түндер өтті елеспен, күндер өтті

  • 0
  • 0

Түндер өтті елеспен, күндер өтті,
Сеніп қалған іздеумен күлден отты.
Табиғаттың елігіп көктеміне,
Жайқалып бір көңілім гүлдемепті...

Толық