Өлең, жыр, ақындар

Теңіз де көк, сезім де көк, көк те көк

  • 11.11.2021
  • 0
  • 0
  • 968
Теңіз де көк, сезім де көк, көк те көк,
Ақ бас толқын әлденеге өкпелеп.
Жартас бетін шапалақтап ұрады,
Көкірегін ашулы бір кек бөлеп.
Бір өзінен басқа тірлік бекердей,
Дегендей ол, осы арадан кет, өлмей.
Ысқырады айбарланып көк дауыл,
Толқын аузы асап бәрін кетердей...
Теңіз жолы соқпақсыз өр шатқалдар,
Арман тауы толқын болып атқанда әр.
Аңсап тұрар асау асқар қиынын,
Қанаттарын теңіз баулып қаққандар!
Теңіз де көк, сезім де көк, көк те көк,
Бір тіршілік арасынан көктемек.
Ей, бауырым, бірақ келіп көрдің бе,
Тағдыр атты теңізбенен бетпе-бет!..



Пікірлер (0)

Пікір қалдырыңыз

Кездескенде қыстың әлсіз қолымды

  • 0
  • 0

Кездескенде қыстың әлсіз қолымды,
Білгің келіп бәрін ішкі хал-жайдың.
Сенің мәңгі күтер едім жолыңды,
Бірақ мәңгі өмір сүре алмаймын...

Толық

Арман күйі

  • 0
  • 0

Шертші тағы бір жанып, бір өшейін,
Сезімімді жеңе алмай күресейін.
Арман айлап - боздаған күй соңынан –
Бала ботаң болып мен ілесейін...

Толық

Дала кезіп, қолыма бір шам алдым

  • 0
  • 0

Дала кезіп, қолыма бір шам алдым,
Шың төбеге, айналғандай тас, құмға.
Үрейленем... сүйектері бабамның,
Жатыр ма деп, аяғымның астында...

Толық