Көкешім, келдің бе деп қарай бергем – Шәмшия Жұбатова

Көкешім, келдің бе деп қарай бергем,
Көктемім көлкігенде арай белден.
Самал жел сауын айтты бар ғаламға,
Дабысы естілді де талай жерден.
Қондырып қолыма алдым қаршығамды,
Абдырап, араладым бар шығанды.
Телміріп күн төнгенде төбе жақтан,
Төрт жағы дүниенің шаршыланды.
Жарқырап қос жанары келе жатқан,
Телміріп күн төнгенде төбе жақтан.
Ағызып ағыстары ақ кемені,
Теңселтіп толқындарын енеді ақ таң.
Ағызып ағыстары ақ кемені,
Бір күні күлім қағып бақ келеді.
Арайы албыраған албырт күннің
Жазылып қағаздарға жатты өлеңі.