Өлең, жыр, ақындар

Мың сәлем саған, Париж бен Лондон, Москва

  • 15.01.2022
  • 0
  • 0
  • 934
Мың сәлем саған, Париж бен Лондон, Москва,
Таусыла жаздап кірпігін ашты жас тұма.
Жанардың жасын ақ жаңбыр қылып төктім мен,
Көктемде шықққан жап-жасыл күннің астына.
Шарқ ұрып көңіл, көзімнен ыстық жас тарап,
Теңізде жүздім айдыны көлден басқарақ.
Мен жалғыз барған өлкенің тасы қып-қызыл,
Көкжиегі алыс, құстары таныс, аспаны ақ.
Жайраңдап сыртым, ішімнен сыңсып мұң ұшқан,
Қанатым жазсам, жетемін саған, Гүлстан!
Гүлстан өлке, гүліңді сенің теруге
Өзіңді толқып көруге керек мың ұстам.
Арындап ұшқан ақпараттардың тасқыны,
Елеусіз қылып кетеді кейде бастыны.
Алты қаз болып айналып көкті барады
Жалынды шақтың жарқылдап өткен жастығы.
Арманға толы, ей, менің асыл мұратым,
Арман деп қойдым жазылған көкке жыр атын.
Жыр қылып жазып жүрегін тастап кетуге,
Өмірге келді арқалап мұңын бір ақын.



Пікірлер (0)

Пікір қалдырыңыз

Күз келгенде құс іздеп әнші бақтан

  • 0
  • 0

Күз келгенде құс іздеп әнші бақтан,
Жүрегіме қып-қызыл тамшы қатқан.
Жайсаң жазым соңына бұрылмады,
Ернеуінен үзілтіп бал шұбатқан.

Толық

Көгілдір көкжиегі аспаным кең

  • 0
  • 0

Көгілдір көкжиегі аспаным кең,
Жеткізбес алты қырды асқаныммен.
Құлпырып мың сан гүлі тұрса-дағы
Сол жаздан мынау бір жаз басқа мүлдем.

Толық

Жырла көктем, жырламас халің бар ма

  • 0
  • 0

Жырла көктем, жырламас халің бар ма,
Сағынышын сабылтқан сағым барда.
Көрсем деумен үздігіп жүрген едім,
Дауыл соғып тұратын дабылдарда.

Толық