Өмірде жақсылық көп! – Қатира Жәленова

Бұл бетте «Өмірде жақсылық көп!» атты Қатира Жәленова жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

  • 17.01.2022
  • 0
  • 0
  • 817
Бұл өмірде жақсылық көп!
Көктеменің күніндей шат күліп кеп,
Жанарына ұялап тәтті үміт тек,
Гүл сыйлайды
Жас жігіт бойжеткенге,
Лүпіл қаққан жүрегі аптығып кеп.
Өмірде жақсылық көп!
Жақсылық көп!
Сызылдырып
Сұлу қыз ән салады,
Есі кетіп
Бозбала тамсанады.
Ғашық көзбен қарайды,
Ғашық көзбен,
Жолыққандай алдынан аңсағаны,
Тек сонымен жанады-ау,
Жанса бағы...
Әнге айналып
Бар маңы,
Төңірегі,
Сырлы сазға
Бара ма-ау көңілі еріп?!
Қарайды да ол әншіге еміреніп,
Күбірлейді тек іштей тебіреніп:
– Жалын атып қараған жанарың-ай!
Жалынымен
Жанды өртеп барады ма-ай?!
Күміс көмей үніңнен, айналайын,
Ән құдіретін жеткізген, қарағым-ай!
Бұл өмірде жақсылық көп!
Көктеменің күніндей шат күліп кеп,
Жанарына ұялап тәтті үміт тек,
Ән сыйлайды жас ару сүйгеніне,
«Екеуміз ұғысар бір сәтті күт!» – деп...
Өмірде жақсылық көп!
Жақсылық көп!


Пікірлер (0)

Пікір қалдырыңыз

Жиі қойылатын сұрақтар

Өмірде жақсылық көп! өлеңінің авторы кім?

Қатира Жәленова — осы өлеңнің авторы.

Өмірде жақсылық көп! өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Өмірде жақсылық көп! өлеңі не туралы?

Бұл өлеңде Қатира Жәленова өз ойы мен сезімін көркем түрде жеткізеді.

Өмірде жақсылық көп! өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері