Елге оралу

(аударма)

Біз оралдық туған елге,
ортасына дос, бауырдың.
Білім алдық өзге жерде,
нанын жедік басқа ауылдың.
Ата жұртты аңсап келдік,
даласы кең, асқары – шың.
Туған елге барсақ дедік
жаңа өмірді бастау үшін.
Тербетеді дала жанды,
асқақ күй мен жыр отаны.
Құшақ жайды Қарағанды –
Отанымның бір отауы.
Көркейтеміз бұл қаланы,
өмір кешіп сәнді, мәнді.
Ертеңіміз нұрланады,
біз біргеміз енді мәңгі.
Қыран самғап шыңдарына
ұя салар қиясына.
Кең даланың ұлдары да
оралады ұясына!

АНДРЕЙ БЕЛЯЕВ

---