Тәуелсізбіз қазір біз – Ажар Заманғазинова

Ойлай келе қанаттары қайырылған,
Бостандық алып, серпілді елім қайғыдан.
Төгілген тер, қан менен жер, сазды ән,
Азаттықта уайымынан айрылған.

Көп адамның есе, кегі қаншама,
Ойлар келер алтай басып арқадан.
Тәуелсіздік - ұлы арман едің ғой...
Талай түндер ұйқы көрмей шаршаған.

Елімде менің - мұң мен шаттық бір жүрген,
Сол жылдардың алдамшысын кім білген?
Желтоқсанда азап шеккен жастардың,
Тамған қанына өсті міне гүл бірден!

Ата-бабам күрескен елі үшін,
Төленбес, құны өтелмес ерлік істің.
Алға - деген ұранмен алға тартқан,
Майдандағы аққан қан, жұмсалған сенің күшің.

Ал енді біз болашақ тарланымыз,
Үміттері, тіректері, арманымыз.
Аянбай-ақ қорғап қалған жерімізді,
Соғыстағы ардагерлер ардағымыз.

Қазіргі мен болашақ жалғанғанда,
Патриоттық сезім ұшқыр адамдарда.
Мына байтақ тәуелсіз елде өскен,
Мына біздер, жастарда арман барма?