Өмір

(аударма)

Уайым шексін біреулер о дүние туралы,
Ойламаппын мен бірақ ол жайында туғалы.
Өмір деген әдемі соны ғана білем мен,
Жас арудай тартады тірлік шіркін гүл өңмен.
Дүниеде мен ылғи нәзіктікті ұнатам,
Күрсінгенде көңілді гүлге қарап жұбатам.
Алыс елдер, тынбаған қоңыраулар дабылы,
Таң алдында ұрыстар. Аврораның жалыны.
Махаббатым өмірде айнымаған, сөнбеген –
Бәрі мені күтіп түр, алыс жерлер көрмеген.
Өмір деген ұзақ жол, қысы ұзақтау күзінен,
Өмір - алып жартастар
дәу толқындар мүжіген.
Жаңа піскен нан иісі, тербелісі бидайдың,
Соның бәрі өмір ғой. Мен өмірді қимаймын.
Өмір үшін нұр шашқан
сансыз оттар жымыңдап,
Сан тағдырға өмірден жол көрсетіп,
тұр ымдап.
Көр қазып жүр біреулер,
дайындап жүр өлімді,
Құрта алмайды бірақ та жердегі бар өмірді.
Өмір деген мәңгілік, сөнбейді оның шырағы,
Қуаныш пен бақыттың нұрын шашып тұрады.

ПАБЛО НЕРУДА

---