Түсініксіз тым кейде – Фариза Оңғарсынова

Түсініксіз тым кейде
шариѓаты тірліктіњ.
Құдай оны білмей ме –
жалған қайсы, шындық кім?
Түйдік өмір заңдарын,
түңіл мейлің, түңілме:
жақсы көрген жандарың
жау болады түбінде.
Білмейді адам жегенін –
жая ма, жоқ сіңір ме.
Құлар мәңгі дегенім
ертең бе, әлде бүгін бе.
Тірлік – ағын, пенденің
шаяр мәнін сулықтай.
Өмір сүрсе жерде кім,
кете алмайды у жұтпай.
Жерде өмірдің сол мәні –
заңдылықтар шырмаған.
Ұқсар мәңгі тордағы
жаутаңдаған құлға адам.
1995