Өлең, жыр, ақындар

Бабалар бесігі

  • 05.06.2022
  • 0
  • 0
  • 668
Маңғыстау даңқы ежелден мәлім жыраққа,
Лайық елге пірлерге ғана тұраққа.
Ғажайып өлке, жүрекке сезім құярдай,
Содан да болар ұл-қызы сәйкес ұлы атқа.
Қиянда жүріп сағынған сені талайлар,
Бабаның жері тартады қанын қалайда.
Қырымды қиып,
Кавказдан көшіп сен үшін
Оралған қайта — ұрандап
"Бекет" Адайлар.
Пендеге жағдай бұ жерде аздау болса да,
Топырақ асыл — темірлі, көмір... сан сала.
Содан да болар іздеген сені жеті рет,
Азауда, Еділ — қандары кіндік тамса да.
Тұрғызған зират Адайлар әсте талғаммен,
Кавказда, Қырым тап сондай қалды толған мең.
Орынбор жайлап, Тұзтөбе көшіп жүрсе де,
Аңсады сені Сауранда сайран салғанмен.
Геродот жазған дайлардың қыран сан ерін,
Тұлпарға сауыт кигізген жезден өнерін.
Алтынмен аптап, күміспен күптеп үйренген,
Жүргенде білмей не екенін темір көп елің.
Маңғыстау — сенсің тарихтың ашық есігі,
Өзіңде ғана табиғат ғажап шешімі.
Тек сенде ғана ардақты басы бабаның,
Өздері жеті бөленген қайта бесігі.



Пікірлер (0)

Пікір қалдырыңыз

Бойжеткен арманы

  • 0
  • 0

Қандай тәтті бойжеткеннің арманы,
Елестеткен бар өмірін алдағы.
"Қиял отау" кіріп алсаң шыққысыз,
Тіршіліктің зіл салмағы алда әлі...

Толық

Әлі өтеген жоқ едім қарызымды

  • 0
  • 0

Ұрандатсақ жас кезде – маздайықшы,
Көңiл қайтқан мiне ендi, жаз тайыпты.
Жалыны жоқ, жүректе шоғы қалған,
Көкiректе қоздайды саз байыпты

Толық

Қатыгездер қайдан шықты ағайын?

  • 0
  • 0

Қатыгездер қайдан шықты ағайын? –
Толып кетті оңым, солым, маңайым.
Ес жиғанша басып кетті арам шөп,
Тағы тарттық бейғамдықтың сазайын.

Толық

Қарап көріңіз