Өлең, жыр, ақындар

Мен жалғызбын

  • 07.06.2022
  • 0
  • 0
  • 1037
Мен жалғызбын... Солай ма екен барша жан,
Жолдас-жора, дос-жарандар тарқаған.
Отыр ма екен бір-бір інге тығылып,
Жабырқай ма ойдан, тойдан шаршаған.
Жан күйеді, тән қажиды қайғы ұрып,
Соңғы достан қалған тағы айрылып.
Менен енді көңіл сұрар ешкім жоқ,
Жалғыздықтан жабырқаған жайды ұғып.
Тағдырлас ек, көгендегі қозыдай,
Пікірлес ек, бір көмейден сөз удай.
Жан алысып, жан беруге анттасқан,
Алыстатқан егізімнен қай Құдай?
Қайран менің сыңарымдай досым-ай,
Сана бізді ажыратты осылай.
Ой мен миды ортасынан қақ жарған,
Қарап көрші бұ тірлікке шошымай.

Өмірзақ. 5.05.2001 ж.



Пікірлер (0)

Пікір қалдырыңыз

Мен Сайынмын ғой

  • 0
  • 0

Апырым-ай!
Неге мені мына жұрт елемейді?
Дейтін кісің мен емес ие, мейлі
Бетін ашып алалық мәселенің,

Толық

Күй... өкініш

  • 0
  • 0

Сүйріктей саусақ... ішектен үндер төгіліп,
Жарты Шар — шанақ нұр сеуіп, аспан сөгіліп
Сиқыршы жас қыз санаңды билеп әкетсе
Заманға сонау сенімен бірге шегініп.

Толық

Белгісіз өкпе дерті

  • 0
  • 0

Жалқы Бала — Жер-Ана
Шалдығыпты дертке бір.
Соғыс, соғыс, соғыстар,
Бар мүшесі өртте жүр.

Толық

Қарап көріңіз