Мұқағалиға арнау – Ажар Заманғазинова

Мұқағали бақыты - халқы еді,
Оған берер ойының алтын кенін.
Ауруменен арпалысып шығарды ол
"Күрсінбеші" деуменен соңғы демін.

Мұқағали жаралған махаббаттан,
Сүйді ол тауын, жерін, туған елін.
"Туған жерге" керемет өлеңінде,
Сипаттады жерінің самал желін.

Мұқағали қазақтың бас ақыны,
Халқының мұңдарының тапты емін.
Мұқағали өз елінің жас ақыны,
Жауларына билетпеді туған жерін.

Мұқағали Отанының жанашыры,
Қазаққа қайтарған ер өлең мөрін.
Мұқағали қазақтың дара шыңы,
Көрсетті ол өз халқына нақты рөлін.

Мұқағали ұлтының мұзбалағы,
Өкінбеуді үйреткен міне, дәл сол.
Мұқағали бастап берген махаббаттан,
Бейнелі бір, нәзік шіркін жібектен жол.