Өлең, жыр, ақындар

Жастық шақ

  • 12.07.2022
  • 0
  • 0
  • 1464
Кіршіксіз таза көңілі,
Достықтан басқа ой ойламай,
Бал мінез бала өмірі,
Төзе ме, мәз боп ойнамай.
Даладан жазда гүл теріп,
Өзенге жүзіп балықтай;
Үстіне нұрын күн төгіп,
Шапқылар бала шалықтай.
Бұлт жауып қабағын,
Күз түскенде сұрланып;
Шуласып, оқып сабағын
Кітабын шығар қолға алып.
Қуана қарсы ап ұландар
Қыс түскенде қар жауып,
Сырғанақ теуіп құлдырар,
Екі беті нұр жанып.
Сәулетті біздің Отанда
Білімнің көзі ашылған.
Ұмтылса ұлан оқуға,
Өнерден сәуле шашылған.
Кім боламын десе де,
Таңдауына жол ашық.
Өмірі сай есуге,
Бақытқа туған жарасып.
Өмірді байтақ ана ғып
Жүректі таза ашып сап,
Сайран салған балалық,
Аяулы алтын жастық шақ.

1948



Пікірлер (0)

Пікір қалдырыңыз

Әбіл қарттың баласы

  • 0
  • 0

Білуші ем сұйық сақал Әбіл қартты,
Бойы сұңғақ, жүрегі әділ қартты...
Ат жақты, өткір көзді, жылы сөзді,
Тұнарған қырау қабақ, сөзі ырғақты.

Толық

Таймаймыз

  • 0
  • 0

Еңбекші ескіден
Езілген ұланбыз.
Ерік алған осы күн
Жауынгер қыранбыз!..

Толық

Түске дейінгі серуен

  • 0
  • 0

Дабыл қаққан алғашқы,
Алғыр ұлан вожатый
Керней тілін дәл басты,
Ержан еді өз аты.

Толық