Өлең, жыр, ақындар

Польша жұмыскер табының уәкілдеріне

  • 26.07.2022
  • 0
  • 0
  • 1421
Мейлі, есірсін,
Жау бізге оғын сайласын!
Қан майданға
Малын, басын байласын!
Өткен майдан
Сабақ болған әркімге,
Біз көрерміз
Жаудыңтүрлі айласын...
Теңдік жауы
Күшін тағы байқасын.
Аянбасын,
Қан қанжарын жайқасын.
Құлатам деп
Құрыш темір ордасын! —
Жұмысшы тап
Отанымен шайқассын...
Жер жүзінің
Капиталы ұласып,
Мейлі, тағы
Тиіп көрсін, байқассын.
Бұл болашақ,
Сертті майдан ақырғы, —
Ер болса жау
Екі қылыш айқассын!..
Жындандырды
Капиталды қан басып,
Өлерінде
Жағаласпақ жармасып.
Енді айқасса
Есірік жын капитал,—
Біз тынбаймыз
Күл-күл қылмай жанбасын?.
Бұл майданда
Еңбек табы дүниенің
Біз білеміз
Бізден бөлек қалмасын.
Капиталмен
Белдескенде еңбек тап,
Біз білеміз —
Тап жолынан танбасын.
Жұмысшы тап
Өкілдері Польшаның!
Ер көңілді
Ешбір күдік қалмасын.
Қиындықпен
Сансыз жаумен алыссақ —
Білдіремін
Біздің білек талмасын...
Совет елі
Тынбай істер құртқанша
Капиталдың
Салып кеткен таңбасын.
Тиген жауға
Октябрьдің солдаты
Сап көрсетер
Қылшылдаған алмасын.
Білдіремін
Құрығанша тап дұшпан
Ол алмасты
Қынға мүлде салмасын.
Қолдан алмас
Тасталады мәңгілік
Тап дұшпанның
Домалатып қан басын!..

1929 жыл



Пікірлер (0)

Пікір қалдырыңыз

Бабаларыма

  • 0
  • 0

Қу заман басқа салды мұндай шақты,
Қайтейін, медеу қылдым жалғыз хақты.
Ұрпағың өсіп-өнген рулы ел бол,
Деуші еді бабам Тоқа аруақты.

Толық

Күздігүні далада

  • 0
  • 9

Сарнайды бүгін жел неге,
Жапырақтар сыңсып тулайды?
Күңіреніп бүгін көл неге,
Соқтығып мұнша тулайды?

Толық

Жұмыскерлерге

  • 0
  • 0

Түсің суық, тәнің шойын, жалаңаш,
Өлшеген нан, қара суды қылып ас.
Тұрмыс лажын жер астынан іздеген,
Күндіз-түні алысқанын, көмір тас.

Толық

Қарап көріңіз

Пікірлер