Кіру Тіркелу
Өлең, жыр, ақындар
  1. Негізгі бет
  2. Өлеңдер
  3. ***

Ақбота Бейбітбек

***

  • kmm
  • 05.12.2022
  • 0
  • 0
  • 761
Күмбірлетсе жаңбыр күйін,
Күңіренген кеудем әр күз.
Билеп жүрміз тағдыр биін,
Кейде жұп боп, кейде жалғыз.

Мұң дегенің тасқа да тән,
Мұң ақынға, гүлге тән іс.
Қайда сонау асқақ адам,
Бірде бөтен, бірде таныс?

Қояр едім Күнге сұрақ,
Жолдар едім Айға сауал.
Бірде жақын, бірде жырақ,
Сенген жандар қайда солар?

Қолда қалам, қолда парақ,
Ойларыммен болам араз.
Өмір неге жолдама хат,
Өлім неге қара қағаз?

Күмбірлетсе жаңбыр күйін,
Күңіренген кеудем әр күз.
Билеп жүрміз тағдыр биін,
Кейде жұп боп, кейде жалғыз.
Көбіне жалғызбыз…

Ақбота Бейбітбек өлеңдері тағдыр Өмір Жалғыз жұп ***

Пікірлер (0)

Пікір қалдырыңыз

Долана

  • 0
  • 0

Ойларды жуықтатпай санама оғаш,
Табам жоқ, күнім де жоқ тобаламас.
Дөңгелек дүниенің діңгегі боп,
Түсімде тұрдың өзің долана ағаш.

Толық

***

  • 1
  • 0

Сүйдік пе, сүймедік пе білмей алаң,
Қаласам мақтай кетем, тілдей алам.
Тіріскей болмысымды тәуір көрген,
Сен қайда қалдың екен Күнгей адам?

Толық

***

  • 0
  • 0

Бәрі де өте шықты түстей көрген,
Боларға,болмасқа да,
Өзімді күштей бергем.
Бір жанып,бір өшті де,

Толық

Қарап көріңіз

Басқа да жазбалар

Жаңалықтар

Нақыл сөздер

Пікірлер