Өлең, жыр, ақындар

Бұл теңізде ескегі жоқ қайықтың

  • 09.01.2023
  • 0
  • 0
  • 760
Бұл теңізде ескегі жоқ қайықтың,
Қайықшы өлген байламы ірі, байыпты.
Кәрі маяк, капитансыз кемелер,
Тозған порттар, ескі бағыт, көне жол.
Адасқандар, күдік, күмән, қорқулар,
Қақпақылдап ойнайтын тек толқындар.
Жолаушылар сапарынан кешіккен,
Қарақшылар өздеріне өшіккен.
Саудасы жоқ саудагерлер қаптаған,
Балшараптар ғасыр бойы сақтаған.
Титаниктің қазылмаған қаңқасы,
Өшкіндеген Колумбтың картасы.
Шарапхана, құмархана, ханалар...
Құмай көздер, сылқым қыздар тәні адал.
Бұл теңізде ештеңе жоқ, жоқ бұлар,
Жағалауы жүдеу, алды көк мұнар.
Ескегі жоқ қайықтардың білері,
Жағалауға мүрде тасып жүреді.
Кемелерде керілмеген желкені,
Басталмаған сапарлардың ертеңі.
Бұл теңізде ескегі жоқ қайықтың!...


Пікірлер (0)

Пікір қалдырыңыз

Сәлем айтпай не самалмен, не хатпен

  • 0
  • 0

Сәлем айтпай не самалмен, не хатпен,
Жындандырып бітіргесің мені әбден.
Өкіндім ғой, ол жақта да өзің жоқ,
Өкіндірмей өлсем деп ем сені, әттең.

Толық

Кетпеді мұнар...

  • 0
  • 0

Кетпеді мұнар...
Көгі мұң,
Сол жылы біздің ауылдан.
Қызға аумай тұрып көңілім,

Толық

Алыстап ем қасыңнан аз күн көрмей

  • 0
  • 0

Алыстап ем қасыңнан аз күн көрмей,
Көңіліңді торлады наз мұң нендей?
Қаламыңның ұшында тұрған өлең,
Мен туралы...

Толық