Өлең, жыр, ақындар

Тойымсыз нәпсі, тұрақсыз дүние

  • 14.04.2015
  • 1
  • 3
  • 26201
Өлімнің хақ екенін көрсең де,
Өлместей омыраулап, шатасың.
Тозақтың барын біліп жүрсең де,
Күнәға, әлің келсе, батасың.

Сауап көп ғибадатта десең де,
Жалығып, жалқауланып жатасың.
Адалдың адал ризқын жесең де,
Арамды әдейі іздеп татасың.

Сыртыңды сыланасың өң беріп,
Ішіңнің түзетпейсің хатасын.
Айла мен алдағанды жөн көріп,
Адамды аң орнына атасың.

Жалғанның бір пайдасын көргенде,
Арланбай арыңды да сатасың.
Аллаһтың ақ өлімі келгенде,
Амалсыз қара тастай қатасың.



Пікірлер (3)

Шехназ

Маған Тойымсыщ нәпсі тұрақсыз дүние өлеңі қатты ұнайды

Рауан

Шəкəрім атамыздың жатқан жері жайлы, жаны жəннəтта болсын! Осындай өлеңдері жастарымызға жаттатқызуымыз керек.

Жанұзақ

Шәкәрімның сөздеріндегі Алла сөзін Аллаһ деп аударып жазуды қойыңыздар. Сананы шалажансар нәрселермен әбден уламаңыздар. Бұрынырақта аллаһ деп сөйлемеген

Пікір қалдырыңыз

Қазақтың ең жақсысы...

  • 1
  • 1

Қазақтың ең жақсысы,
Үш нәрсеге шоқынар:
Мақтаны, асты, нәпсiсi –
Шоқынғаны осылар.

Толық

Жарымды жаным сүйді, сүйе алмай тәнім күйді

  • 1
  • 2

Таза арақты әкел, шырақ,
Болайын қайғыдан жырақ.
Бойым – еркiн, ойым – ұжмақ,
Тiлiм – бұлбұл, сөзiм – бұлақ!

Толық

Бұл ән бұрынғы әннен өзгерек

  • 1
  • 6

Бұл ән
бұрынғы әннен өзгерек,
Бұған
ұйқасты өлең, сөз керек

Толық