Түрлі мінез адам бар

Жолықтырдым түрлі мінез адамды,
Түзу басқан, шалт басқан да қадамды.
Менменсініп, мұрнын көкке шүйіріп,
Жүретін бар кейін іске күйініп.

Жанарлар бар жадырайтын өмірден,
Қарақат көз күн сыйлайтын көңілге.
Өткір жанар, көз қиығын салғанда,
Жаңбыр болар, тұман болар жалғанда.
Ол пенделер бақыт дәмін сезбейді,
Себебі өзі қайғы-шерді көздейді.

Алдайтындар, арбайтындар тағы бар,
Атақ үшін, ақша үшін жағынар.
Сарқылмайды мінез деген бұлағың,
Іздей берсең түрлі қасиет табылар.

Өзімсінсін, қарамаңдар оларға,
Асыл жан көп, сондайларға жолаңдар.
Ең бастысы - өзіңдегі қасиет,
Ата-бабам қалдырған бұл - өсиет

---