Өлең, жыр, ақындар

Джек салған үй

  • admin
  • 29.12.2023
  • 0
  • 0
  • 383
(Ағылшын фольклорiнен)

Бұл – үй.
Оны Джек салған.
Ал бұл – бидай.
Оны əлгi Джек салған үйдiң
Қараңғы шоланында сақтайды.
Ал бұл – көңiлдi шымшық.
Ол – Джек салған үйдiң
Қараңғы шоланында сақтайтын
Əлгi бидайды ұрлап тыным таппайды.
Бұл – мысық.
Ол – Джек салған үйдiң
Қараңғы шоланында сақтайтын,
Бидайды ұрлап тыным таппайтын,
Əлгi Шымшықты үркiтiп, ұстайды.
Бұл – шолақ құйрық төбет.
Ол – Джек салған үйдiң
Қараңғы шоланында сақтайтын,
Бидайды ұрлап тыным таппайтын,
Шымшықты үркiтiп ұстайтын
Əлгi Мысықты жүндеп,жұлмалап қыстайды.
Ал бұл – тоқал сиыр.
Ол – Джек салған үйдiң
Қараңғы шоланында сақтайтын,
Бидайды ұрлап тыным таппайтын,
Шымшықты үркiтiп ұстайтын,
Мысықты жүндеп, жұлмалап қыстайтын
Əлгi Төбеттi тебедi.
Ал бұл – ақ шашты, тырысқақ кемпiр
Ол – Джек салған үйдiң
Қараңғы шоланында сақтайтын,
Бидайды ұрлап тыным таппайтын,
Шымшықты үркiтiп ұстайтын,
Мысықты жүндеп, жұлмалап қыстайтын
Төбеттi тебетiн
Əлгi Тоқал сиырды сауып келедi.
Ал бұл – ерiншек те етжеңдi бақташы.
Ол – Джек салған үйдiң
Қараңғы шоланында сақтайтын
Бидайды ұрлап тыным таппайтын,
Шымшықты үркiтiп ұстайтын,
Мысықты жүндеп, жұлмалап қыстайтын,
Төбеттi тебетiн,
Тоқал сиырды сауып келетiн,
Əлгi Тырысқақ кемпiрмен ұрсысып қалады.
Бұл – екi əтеш.
Олар – Джек салған үйдiң
Қараңғы шоланында сақтайтын
Бидайды ұрлап тыным таппайтын,
Шымшықты үркiтiп ұстайтын,
Мысықты жүндеп, жұлмалап қыстайтын,
Төбеттi тебетiн,
Тоқал сиырды сауып келетiн,
Тырысқақ кемпiрмен ұрсысып қалатын
Əлгi Бақташыны
Таңертең ұйқысынан оятып алады...



Пікірлер (0)

Пікір қалдырыңыз

Кімді жақсы көресің?

  • 0
  • 0

– Əкеңдi, əлде апаңды,
Қайсысын жақсы көресiң?
– Қинама, қонақ, баланы,
Жас бала оған не десiн.

Толық

Су жаңа бәтеңке

  • 0
  • 0

Бəтеңкем жыртылды...
Əпердi жаңаны...
Сықырлақ бiр түрлi
Кигенде табаны.

Толық

«Қортық» шыбық

  • 0
  • 0

Қар кеттi де, жаз шығып,
Ектi Төкен жас шыбық.
Жүрмеген соң суарып,
Қалды ол өспей қуарып,

Толық

Қарап көріңіз