Болса да бұл кез нар шағым – Жарылқасын Аманұлы

Бұл бетте «Болса да бұл кез нар шағым» атты Жарылқасын Аманұлы жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

Болса да бұл кез нар шағым,
Болдырдым әбден шаршадым.
Қайғысыз, қамсыз бал дәурен,
Қайдасың, сені аңсадым.
Үкілі жібек тұлымым,
Едім-ау, кеше құлының.
Мен қазір қара қобыздың,
Аңырап тұрған қылымын.
Жылыстап кеткен жылдар-ай,
Батырдың мұңға, бұл қалай?
Күздегі құрақ секілді,
Тұр енді кірпік құрғамай.
Сона бір, сона шақтарда,
Атырып таңды бақтарда,
Еліктің лағын ертіп ап,
Жүруші ем шың мен шатқалда.
Татқаным жая-жал еді,
Көңілім сері, сал еді.
Шорланған мына бәйтерек,
Ол кезде шыбық тал еді.
Базарым қалай тарады,
Жаным да енді жаралы.
Қап-қара шаш та біртіндеп,
Ағарып кетіп барады.
Өзгеше кейпім, күлкім де,
Не дейін өмір шіркінге.
Бүлдіршін қыздар бірге өскен,
Күйде екен қандай бұл күнде?
Жанардың қайда жарқылы,
Жанымның қалай салқыны?
Жазира жазым, жылыстап,
Кеттің бе жылдар арқылы?


Пікірлер (0)

Пікір қалдырыңыз

Жиі қойылатын сұрақтар

Болса да бұл кез нар шағым өлеңінің авторы кім?

Жарылқасын Аманұлы — осы өлеңнің авторы.

Болса да бұл кез нар шағым өлеңінің толық мәтінін қайдан оқуға болады?

Бұл бетте өлеңнің толық мәтінін және текст нұсқасын онлайн оқуға болады.

Болса да бұл кез нар шағым өлеңі не туралы?

Бұл өлеңде Жарылқасын Аманұлы өз ойы мен сезімін көркем түрде жеткізеді.

Болса да бұл кез нар шағым өлеңінен үзінді бар ма?

Бұл бетте өлеңнің толық мәтіні, шумақтары және өлең жолдары ұсынылған.

Осы автордың басқа өлеңдері