Өлең, жыр, ақындар

Адамшылық

  • 14.04.2015
  • 1
  • 14
  • 40823
Кісіге адамшылық неге керек?
Адамдық – өзге айуаннан артық демек!
Ит талаған төбеттен қалай дейсің,
Аямай әл келгенін жұлып жемек.
Мейірімсіз қасқырда да күшті өмір бар,
Артылған жерің қайсы онан бөлек?
Үнемі сен жеріңді қайдан білдің?
Бұл дүние кезек берер істі өңгелеп.
Онан қорқып, обырлық қоймасаң да,
Адам боп, хайуаннан болсаңшы ерек!
Жалмағанша, жәрдемің тигізсеңші,
Жығылған, жылағанға болып көмек.
Мархаматты теріс деп кім айтады,
«Адамшылық – сол» дейді тамам зерек.
«Мейірім – жақсы, зұлымдық – жаман» дейсің,
Қасқырлыққа қайтесін құр дөңгелеп.
Жаны ашып жәрдем қылмай өткен адам –
Өсіп, өшіп құлаған бір бәйтерек.
 



Пікірлер (14)

Дана

Маған Ш.Құдайбердіұлының адамшылық өлеңі қатты керек болып еді рахмет

Дана

Рахмет сіздерге

Ерсұлтан

жақсы екен

Мейірім

Өте күшті өлеңдер

Арайлым

Бұл өлеңдер келешек ұрпақ үшін керек

Бейбіт. А.Т.

Керемет, ғибрат аласың

:)GGG

ӨТЕ КҮШТІ ӨЛЕҢДЕР ЕКЕН

Дина

Мыхты

Ханшайым

оте керемет

Гульдария

Оте жаксы тарбиелык маны келешек урпакка жаксы улгы

Ерсұлтан

Осы өлең арқылы ой өрісімді дамытам рақмет сіздерге!

Бага

Маған жаттауға керек болды рахмет!

Enlik

Маган катты унады рахмет❤️

Пікір қалдырыңыз

Қазақтың ең жақсысы...

  • 1
  • 1

Қазақтың ең жақсысы,
Үш нәрсеге шоқынар:
Мақтаны, асты, нәпсiсi –
Шоқынғаны осылар.

Толық

Епті тышқан бидайды таси берген...

  • 1
  • 2

Епті тышқан бидайды таси берген,
Шәкірті де көп екен қасына ерген.
Қақпан құрған адамның айлаларын
Алып тастап, жем жеген талай жерден.

Толық

Өртейін деп отқа көмдім...

  • 1
  • 2

Өртейiн деп отқа көмдiм,
От жүрегiм жанбады.
Жанды апарып жарға бердiм,
«Пара ғой» деп алмады.

Толық

Қарап көріңіз